"الظاهرة" رونالدو باع الفريق ديالو الأم كروزيرو

باع أسطورة الكورة البرازيلية رونالدو بطل العالم 2002 والكرة الذهبية 2 مرات، (باع) الفريق ديالو كوروزيرو البرازيلي، بعدما نجح ورجعو للقسم الاول من بطولة البرازيل، حيث ملي شراه كان طايح للقسم الثاني.
Ad
00:00
/
00:34
Ad ends in 34s
وعلن البرازيلي رونالدو اليوم الثلاثاء، على بيع الأسهم ديالو فنادي كروزيرو اللي كبر فيه ولعب فيه قبل ما يمشي يحترف فأوروبا ويحقق الأحلام ديالو فالكورة ويدير لاباس ويرجع يشريه، أنه باع النادي لشركة "بي. بي. دابليو"، وأكد "الظاهرة" كيفما كيلقبوه جمهور الكورة فالعالم، أنه غيبقى فالإدارة ديال النادي واخا باعو.
وكان كروزيرو طاح عام 2019 للقسم الثاني من بطولة البرازيل، قبل ما يجي رونالدو فديسمبر 2021 ويشريه وقدر يرجعو دغيا للقسم الأول ويحل الأزمة المالية اللي عندو، مع العلم أن كروزيرو الفريق الأم ديال رونالدو، هو من أعرق الأندية البرازيلية وفايت له ربح كوبا ليبيرتادويس جوج مرات و4 المرات بطولة البرازيل.