الشعباني: كنوجدو مزيان للروتور باش نربحو اتحاد العاصمة ونتأهلو وخاصنا ننساو نتيجة ماتش لالي

أكد معين الشعباني مدرب نهضة بركان أن الفريق وجد مزيان لإياب دومي فينال كاس الكونفدرالية الأفريقية ضد اتحاد العاصمة الجزائري غدا الاحد، ولو انه كاين حذر من الجانب البدني للفريق، وقال للاعبين ما يعولوش على نتيجة ماتش الذهاب ويركزو على الروتور باش يربحو ويتأهلو.
Ad
00:00
/
00:35
Ad ends in 36s
ووضح معين الشعباني خلال الندوة الصحافية اللي كتسبق ماتش نهضة بركان واتحاد العاصمة، أن الاستعدادات ديال الفريق خلال الايام الماضية دازت مزيان، واخا قلة التنافسية حيث الفريق مدة هادي ما لعب شي ماتش، ولكن المورال فالگروب طالع، وانه ركز بزاف فالحصص التدريبية على الجانب البدني.
وعبر معين الشعباني على التفاؤل ديالو بالجماهير ديال النهضة البركانية اللي غتكون حاضرة فالماتش باش تشجع الفريق وتشجع اللاعبين، وانهم خاصهم ينساو نتيجة ماتش الذهاب، اللي خرج فيها نهضة بركان رابح بنتيجة 3 لزيرو بقرار من الاتحاد الافريقي لكرة القدم، حيث قرر الغاء المباراة بسبب حجز السلطات الجزائرية على تونيات نهضة بركان فمطار هواري بومدين.
وقال مدرب نهضة بركان أن الفريق عندو غيابات، وكشف ان 5 اللاعبين من الفريق البرتقالي ما غيكونوش حاضرين ضد الفريق الجزائري وهم لامين كمارا وأسامة المليوي وعبد الكريم باعدي اللي موعتين، وكاينة شكوك بخصوص مشاركة بول فاليري، وعمر العرجون ما غيكونش حيث موقف.