زامبيا كرات للاعباتها طيارة اثيوبية تجيبهم للمغرب يلعبو مع اللبؤات

شدو منتخب زامبيا النسوي الطريق للمغرب، استعدادا باش يلعبو مع المنتخب الوطني المغربي للعيالات الثلاثاء الجاي، فماتش روتور الدور الرابع الاخير المؤهل إلى أولمبياد باريس.
وشدو منتخب زامبيا النسوي اليوم السبت، طيارة خاصة كراها الاتحاد الزامبي لكرة القدم من عند شركة الخطوط الجوية الإثيوبية، قلعت من مطار سيمون موانسا كابويبوي فندولا فاتجاه المغرب ومن المنتظر توصل اليوم بالليل.
وباغيين الزامبيات يجيو يوجدو الماتش الروتور الحاسم ضد المنتخب المغربي، وتعويض الخسارة ديال ماتش الألي بنتيجة 2 لواحد باش يتأهلو لاولمبياد باريس، وبالمقابل فاللبؤات غيبغيو يحسمو التأهل برباح فالرباط وقدام الجمهور المغربي.