ساعة ديال الشتا غرقات آسفي (تصاور)

عرفات آسفي، اليوم الاحد، أمطار طوفانية، اكثر من ساعة ديال الشتا، كانت كافية، باش تعري البنية التحتية ديال المدينة وتغرقها، وتخلف بزاف دالخسائر المادية فالمركز، حسب ما نقلته مصادر محلية.
وقالت مصادر من المنطقة، بللي فيضانات اليوم خلفت خسائر كبيرة بالنسبة للتجار والباعة الجائلين، بحيث غمرت مياه الأمطار المحلات التجارية وجرات معاها السلعة ديالهوم، كما اقتحمت السيول المناطق الواقعة فمركز المدينة، وأغلب الشوارع غرقات، وحركة السير توقفات، وبزاف الطرقات تقطعات.
وطالبو السكان، حسب ما نقلته المصادر ذاتها، بتأهيل المناطق المتضررة، للي كتتعرض لخسائر كبيرة، خاصة ف المناطق المهددة باستمرار بالسيول الجارفة عند كل تساقطات مطرية غزيرة بعد عاصفة وصفتها المصادر المذكورة، بالهوجاء، إذ لم تعش مثلها المدينة منذ عدة سنوات.