الركراكي: فرحان ببراهيم دياز وبنصغير وداكشي اللي دارو ضد أنگولا

عبر الناخب الوطني وليد الركراكي على الفرحة ديالو بالمستوى اللي بان به كل من برايهم دياز وإلياس بنصغير ضد منتخب أونگولا، فأول ماتش لهم مع المنتخب المغربيظ.
وقال وليد الركراكي: "براهيم دياز والياس بنصغير لاعبين اللي عندهم امكانيا وحنا فرحانين حيث جاو للمنتخب المغربي باش يعاونونا، خاصهم الوقت حتى هما باش يولفو ويلعبو مع الدراري، ودابا ثلاثة ايام كيخدمو مع بعضياتهم".
وكمل وليد الركراكي: "مازال خاص يلقاو التواصل مع بعضياتهم، حكمي زياش مع براهيم دياز مع إلياس بنصغير ومع اشرف حكيمي ومع عز الدين اوناحي، وغنخدمو على هذا الشي وخاصنا الوقت شويا".
وزاد الركراكي: "اليوم بانت الكونيكسيىن بينهم وكيلعبو بيناتهم وفرحان ببراهيم دياز وإلياس بنصغير اللي غيعطيونا الإضافة فالمستقبل".