عاجل.. كيف توقعات "گود": الأحرار ختارو كفاءة نسائية لمنصب عمدة الرباط بلاصت اغلالو وها شكون

علمت "گود" من مصدر حزبي، أن قيادة حزب التجمع الوطني للأحرار حسمت في المرشح لخلافة أسماء اغلالو على رأس عمودية العاصمة الرباط، وذلك بعد 24 ساعة من قرار الوالي محمد اليعقوبي بفتح باب الترشح لمنصب العمودية.
وكيف نشرات "گود" قبل أيام، فإن المرشح الأقوى لخلافة أسماء اغلالو، عمدة مدينة الرباط، التي تعاني من عزلة سياسية غير مسبوقة بعد فقدانها للأغلبية، هو بروفايل نسائي معروف فالعاصمة، وخدات التزكية من رئاسة التجمع الوطني للأحرار.
وحسب معطيات "گود" فإن البديل ديال اغلالو، هي المستشارة الجماعية فتيحة المودني، كفاءة معروفة وكتسير شركة ديالها وخدامة فالمال والأعمال، وكتنتمي لنفس الحزب ديال العمدة لللي قريبة تحط سوارتها وتمشي.
المستشارة المودني من حزب الأحرار، لعبت دور مهم فتشكيل بعض مجالس المقاطعات فالرباط، وجابت محترفي الانتخابات من البام ودخلتهم للأحرار.
فتيحة المودني هي ابنة رجل الأعمال السوسي ابن منطقة تافراوت علي المودني مستثمر فقطاع الصيد البحري وفالاشغال العمومية، واللي هو من رجال الأعمال اللي ديما كتلقاهم البلاد فوقت الأزمات وكان ساهم بدوره في صندوق كورونا وفالزلزال. شركتو هي اللي هيئات ساحة المشوار فالعيون بمناسبة زيارة الحسن الثاني 1985 اي 10 سنين على المسيرة