الركراكي: ها كيفاش درت الاختيارات فكوب دافريك.. واجهنا الاصابات والمرض والحرارة والرطوبة

حاول الناخب الوطني وليد الركراكي يشرح كيفاش دار الاختيارات فكوب دافريك فالكوت ديفوار، وشنو الصعوبات اللي واجهاتو فالمسابقة واكد ان كاس أفريقيًا والأجواء ديالها ما كانتش سهلة وماشي بحال المونديال.
وهضر الناخب الوطني وليد الركراكي وقال فحوار مع قناة الرياضية: "كنفكر على المسابقة وكل لاعب وشنو يقدر يعطي فكل ماتش وكل لاعب مختلف على الاخر، وكنشوف اللاعب والماتش كيفاش داير، ومن بعد كاينين تغييرات ها اللي كان موعت واللي كان مريض، الاختيارات كانوا هما هادوك والاختيارت ولكن ملي خرجنا من الويتيام كيعني درنا شي غلط، وكنقلبو على الحوايج اللي عطنا فيهم باش".
وكمل الركراكي: "ما كانش المنطق فالكوطي فيزيك، بحال لاكوب ديموند مشينا مع لاعبين اللي ماكونش كيلعبو درنا مونديال كبير، بحال زياش وأكرد وأملاح، وحنا خدمنا مزيان، ولكن مازال خاصنا نديرو بلون باش نعرفو فين كاين المشكل، وانا كنظن والصراحة الكوطي مونطال مع الحرارة واش كنا فالمستوى ديالنا وهادو هما الاسئلة، وتقصينا يعني حنا الطاقم التقني ما كناش فالمستوى".