المنصوري المنسقة الوطنية للبام: الحزب ديالنا معندوش علاقة بملف اسكوبار الصحراء وكنقبلو الانتقادات وكنرفضو ربط البام بهاد الضوسي

قالت فاطمة الزهراء المنصوري، المنسقة الوطنية لحزب الأصالة والمعاصرة، مباشرة بعد انتخابها، بأن حزب البام لا علاقة له ملف اسكوبار الصحراء، موضحة بلي جوج الاشخاص معنيين (الناصري وبيوي) وماشي الحزب.
واضافت المنصوري، في ندوة صحافية بعد انتخابها، فرصة باش نقوليكم البام بروح الديمقراطية كنقبلو جميع الانتقادات في مشروعه السياسي وفي حصيلته".
ووجهت المنصوري رسالة الى الاعلام، تقول فيها بأنه تقبل كل الانتقادات ولكن ترفض اتهام حزب البام في ملف اسكوبار واللي فيه موثقين ورجال امن، موضحة :"واش كاع الموثقين معنيين ولا كاع رجال الامن معنيين؟".
وتابعت المنصوري: كنأمنو بالمسؤولية الفردية ولي دار شي حاجة يتعاقب عليها"، مضيفة :"واش كان فعلمنا هاد الاتهامات، كما نتوما كذلك، حنا ماشي جهاز امني ومكانتش عندنا امكانية باش نعرفو، ولا احد في القيادة ولا في القواعد عارفين، ويلا كان شي حد اخر معني مرتبط بحزبنا او حزب اخر يتحمل مسؤوليتو".
وقالت المنصوري بلي هاد الملف بيد القضاء، ولكن كنرفضو اتهام قيادة البام النزيهة فهاد الاتهام.