المتهم المغربي ف"هجوم الكنائس" فالخزيرات غادي يتحاكم بجرائم كتوصل العقوبة ديالها للسجن المؤبد و15 عام ديال الحبس

karim.elsoufi29@gmail.com
قالت جريدة "إلاندبينديتي" الإسبانية، أن قاضي المحكمة الوطنية خواكين جاديا سالا التحقيق مع الجهادي المتهم ف"هجوم الكنائس" ف الخزيرات، اللي خلف مقتل كاهن الكنيسة دييگو پالنسيا في 25 يناير من العام الفايت.
وحسب الجريدة الإيبيرية، كيواجه المتهم المغربي السجن المؤبد غير القابل للمراجعة لارتكابه جريمة قتل ذات طابع إرهابي وأخرى تتعلق بالتسبب ف إصابات ناتجة عن جريمة إرهابية وكيعاقب عليها بالسجن لمدة تصل إلى 15 عاما. وغادي تكون المحكمة الجنائية هي اللي غتحدد التصنيف الدقيق لجريمة القتل ف الأسابيع المقبلة.
وأشار تقرير الخبرة النفسية، أن الجهادي المفترض كيعاني من مشاكل ف القدرات الفكرية والإرادية واضطراب نفسي متوافق مع تشخيص الأعراض الذهانية اللي من المحتمل باش تكون مرتبطة بانفصام الشخصية.
وف أبريل الفايت، نشر موقع أوكي دياريو الإسباني، مقتطفات عن تقارير البوليس مع المتهم ف"هجوم الكنائس" ف الخزيرات، واللي قال خلال استجوابه، أنه ما نادمش على الفعلة اللي دار واذا رجع الزمان اللور عادى يعاودها ويقتل رجل الدين المسيحي حيت كيعتابرو شيطان.