جورنال صبليوني : باستيا المغربي اللي استغل الشبه ديالو بخوه وهرب من الحبس يقدر يكون جا للمغرب

قالت الجريدة الإسبانية "ال بيريوديكو"، أن الحباس المغربي الملقب ب "باستيا" المتهم بقتل جوج ديال الارواح واللي استغل الشبه ديالو بخوه، نهار الخميس الفايت، وهرب من الحبس يقدر يكون هرب للمغرب.
وكان المعني بالأمر مشدود احتياطيا ف مؤسسة الكالا ميكو العقابية ف مدريد على خلفية تحقيق ف تهمة ارتكابه لجريمتي قتل، وقدر يهرب مستغلا الشبه الكبير ديالو بخوه اللي جا يشوفو. وخلف الهروب ديالو بهاذ الطريقة الهوليودية حالة من الاستنفار وسط الشرطة الوطنية والحرس المدني.
أول إجراء دارتو إدارة المؤسسة السجنية هو مراجعة تسجيلات الكاميرات الأمنية، واللي بينات كيفاش الحباس قدر بهدوء يتجاوز عدة ممرات وأبواب. وتعتبر التحقيقات أن الواقعة طرات بسبب "أخطاء بشرية" ولم تكن هناك نية تعاون من طرف المسؤولين.