نايضة فتنزاتيا قبل ماتش الوداد: سيمبا بداو كيشحنو جمهورهم ودايرين لهم برومو..

نايضة ديال بصح فالعاصمة التنزانية دار السلام قبل من الماتش المهم اللي غيجمع بين الوداد الرياضي وفريق سيمبا التنزاني الثلاثاء الجاي، ضمن الجولة 3 من دور مجموعات دوري أبطال افريقيا.
وبخصوص الاجواء المحيطة ببعثة الوداد الرياضي فتنزانيا، كشفت مصادر مطلعة، ان الشتا كاينة فدار السلام وفنفس الوقت كاينة الرطوبة وارتفاع فدرجة الحرارة، وبالنسبة للأجواء داخل البعثة اللي وصلت هذا الصباح لدار السلام، فهي زوينة وحماسية واللاعبين كاينين فالفندق دابا كيرتاحو باش فالعشية يديرو حصة تدريبية هي الاولى للفريق فتنزانيا وهي الاولى تحت اشراف المدرب الجديد للفريق فوزي البنزرتي.
ومن جهة اخرى، فالأجواء فالشوارع بتنزانيا مشحونة بزاف، حيث ادارة سيمبا بدات كتشحن فالجماهير ديالها وكيجمعو فيهم ويخطبو عليهم فالسواق باش يضمنو الحضور ديالهم نهار الماتش ضد الوداد، ونقصو لهم حتى من أثمنة التذاكر، والتنزانية باغيين يديرو اي حاجة باش يربحو الوداد، خصوصا وانهم عارفين ان الفريق الأحمر خصم ثقيل.