مالي كيتسناو فربع مونديال U17 المتأهل من المغرب وإيران اللي سالاو الشوط الأول تعادل

تأهل منتخب مالي لأقل من 17 عام إلى ربع نهائي كأس العالم U17 المقامة فإندونيسيا، وكيتنسا المتأهل من ثمن نهائي المغرب وإيران.
وجا تأهل منتخب مالي إلى ربع نهائي المونديال بعدما ربح فثمن النهائي منتخب المكسيك بنتيجة 5 لزيرو، اليوم الثلاثاء.
وكيتسناو الماليين المتأهل من الماتش اللي بادي دابا من ثمن النهائي بين المنتخب الوطني المغربي لأقل من 17 عام والمنتخب الإيراني، واللي سالا الشوط الأول ديالو قبل لحظات بالتعادل السلبي زيرو لزيرو.
وعرف الشوط الأول بين المنتخب المغربي وإيران، أداء تكتيكي مزيان من المدرب سعيد شيبا والأشبال اللي عرفو كيفاش ينقسو من قوة الإيرانيين بالبلوك اللي دارو فوسط التيران واللي سالاوه بضغط عالي فمناطق الخصم، ولو أنهم ما كانوش خطيرين فالتحول من الدفاع للهجوم في انتظار الشوط الثاني ولكن فرضوا الأشبال على الإيرانيين يرجعو للمناطق ديالهم، مع العلم أن اللحظات الأخيرة من الشوط الأول عرفت إصابة اللاعب المغربي الحناش اللي ما قدرش يكمل الماتش ودخل بلاصتو صاحبو الناير.