الرجاء ربحو اولمبيك اسفي فماتش ماركا فيه بنمرزوق اللاعب السابق ليوفنتوس

ربحو الرجاء الرياضي فريق اولمبيك اسفي فماتش ودي، جمع الفريقين اليوم السبت فمدينة الجديدة.
وسالا الماتش بين الرجاء الرياضي واولمبيك اسفي، لمصلحة النسور بنتيجة 2 لواحد، وماركا للرجاء كل من مروان زيلا، ويونس بنمرزوق، اما هدف اولمبيك اسفي ماركاه النيجيري أودو.
الماتش عرف حضور رئيس الرجاء الرياضي محمد بودريقة وعدد من أعضاء المكتب المسير للنادي الاخضر، وفيها جرب الالماني جوزيف زينباور عدد من اللاعبين من بينهم بنمرزوق المهاجم المغربي اللي فايت لعب مع يوفنتوس الإيطالي، ونفس الشي بالنسبة لزكرياء عبوب مدرب اولمبيك اسفي.
وللإشارة فالمباراة عرفت اصابة المهاجم الجنوب افريقي هاشم دومينكو، اللي توعت وما قدرش يكمل الماتش في انتظار يدير فحوصات طبية باش يعرفو شنو عندو.