تأهل تاريخي لسبورتينك كازا لفينال شومبيونزليك لعيالات وكيدافعو على اللقب يبقى مغربي ضد صن داونز وينتاقمو منهم

حاضر المغرب للعام الثاني على التوالي فنهائي دوري أبطال إفريقيا لكرة القدم النسوية، وهذه المرة من خلال فريق سبورتينك الدار البيضاء اللي تأهل اليوم الاربعاء لفينال المسابقة المقامة فالكوت ديفوار لأول مرة فالتاريخ ديالو، بعدما ربح فريق دراكو الغاني فالدومي فينال.
وسالا الوقت الأصلي والشوطان الإضافيان بين سبورتينك الدار البيضاء وداركو الغاني بنتيجة التعادل الإيجابي جوج لجوج، وكانو الغانيات هما اللي كيتقدمو فالمباراة والمغربيات كيماركيو التعادل فماتش كان مفتوح وفيه فرص التسجيل، حتى سالاو ومشاو لضربات الترجيح اللي عطات التأهل للفريق بنتيجة 3 مقابل 2 .
للإشارة فالماتش بين سبورتينك الدار البيضاء وداركو الغاني عرف حادث غريب ولكن عادي فإفريقيا والبطلة ديالو الكولة ديال الفريق الغاني واللي حبست المباراة كاملة بجيلي وبلا رقم ديال التسخينات حيث ما عندهاش توني اللون ديالو مخالف للتونيات ديال فريقها.
وبهذه النتيجة تأهل سبورتينك الدار البيضاء إلى فينال دوري أبطال إفريقيا للسيدات، باش يدافع على اللقب يبقى مغربي بعدما ربحو فريق الجيش الملكي العام اللي فات، وغيلعب الفريق الكزاوي النهائي ضد ماميلودي صن داونز الجنوب إفريقي اللي ربح فالدومي فينال ليفار بواحد لزيرو وقصاهم.