تيار مراكش فشل يمرر تعديل فقانون المالية باش يقسمو أموال صندوق العالم القروي بين الصديقي والمنصوري.. ومصدر فالأغلبية ل"كود": التعديل تلغى

فشل تيار مراكش في حزب الأصالة والمعاصرة، في تمرير تعديل على المادة 30 من مشروع قانون مالية 2024 يروم بتقسيم أموال صندوق تنمية العالم القروي على وزارتين، النص يمشي لوزارة المنصوري والنص يبقا عند وزير الفلاحة.
تيار مراكش عن طريق بعض النواب البرلمانيين، حطو تعديل على المادة 30 من مشروع قانون مالية 2024، باش يتقسم الصندوق على جوج وزارة، الأولى ديال السكنى وإعداد التراب الوطني والتعمير للي كترأسها فاطمة الزهراء المنصوري، والثانية وزارة الفلاحة للي كيترأسها محمد الصديقي عن الأحرار.
تيار مراكش فالبام، حطو تعديل باش نصف فلوس صندوق العالم القروي يكونو تحت وصاية فاطمة الزهراء المنصوري، زعيمة تيار مراكش فالبام، ولكن تصدمو فالأخير بعدما ترفض ليهم.
وحسب مصدر في الأغلبية ل"كود": "فقد تم الإفراج مساء أمس عن هذا الملف بعد اجتماع عاجل لرؤساء فرق الأغلبية، محمد غياث رئيس فريق الأحرار وأحمد تويزي رئيس فريق البام ونور الدين مضيان رئيس فريق الاستقلال، بحضور فوزي لقجع الوزير المكلف بالميزانية، حيث خلص اللقاء إلى إلغاء التعديل".
الصندوق لي تم تحويله سنة 2016 من رئاسة الحكومة إلى وزارة الفلاحة وتقدر ميزانيته 55 مليار درهم ديك الساعة.