صيادة مغاربة تشدو مهربين حراگة ف لفلوكة ديالهم لسبتة وها تفاصيل الاتفاق القضائي اللي دارو مع المحكمة باش يتطلق سراحهم

قالت صحيفة "إل فارو دي ثيوتا"، أن محكمة مدينة سبتة أدانت 2 صيادة مغاربة حصلو قبل أيام من طرف الحرس المدني مهربين حراگة ف لفلوكة ديالهم للمدينة انطلاقا من السواحل المغربية بالسجن لمدة عام لارتكابهم جريمة ضد حقوق المواطنين الأجانب.
وحسب الجريدة ذاتها، اعتبرت المحكمة أن العقوبة غير نافذة (سورسي) لمدة 3 سنوات، وهي المدة اللي ممنوع عليهم الاقتراب من سواحل سبتة، وإذا مشاو حتى خرقو هاد الاتفاق القضائي، غادي تولي العقوبة الحبسية نافذة في حقهم.
ووفقا للمعلومات الواردة، الصيادة بجوج اعترفو بارتكاب الجريمة قدام المحكمة وتم إطلاق سراحهما فيما بعد، وغادرا المدينة. وتم توقيفها بعد رصد دورية بحرية لمناورات مشبوهة للفلوكة ديالهم، حيث تم العثور على 4 ديال الحراگة مخبيين فيها.