صحيفة هارتس الإسرائيلية : حكومة نتنياهو مغدوزهاش لحركة حماس وغادي يبداو الحرب

قال صحيفة هارتس ان الاسرائيلييين عاشو الرعب فهاد اليومين منين هجمات حماس عليهم واختطفو عيالات ومسنين وشباب مراهقين واطفال ورضع لدبا مزال مجهول العدد ديالهم .
واضافت الصحيفة الاسرائيلية ان الفيديوات اللي وثقات الهجومات والاختطافات حماس هي اللي نشراتها على مواقع التواصل الاجتماعي.
واشارت الصحيفة ان الشعب الاسرائيلي مسكتش وكاينة مطالبة شعبية كبيرة باش الحكومة ترجع الاسرى لديورهم مضيفة أن حكومة نتنياهو مغدوزهاش ليهم والثلاثي المتهور اللي شاد الحكومة نتنياهو، بتسلئيل سموتريتش وإيتامار بن جفير، مغتقنعهومش المفاوضات ويرجعو غير الاسرى ولكن غينتاقمو.
وفهاد السياق نتنياهو ،رئيس الحكومة الإسرائيلية، كان تحلف فحركة حماس فتصريح ليه لوسائل الإعلام ليلة السبت، من غرفة القيادة فمقر وزارة، وقال، " غندمروهوم وننتقمو منهم على هاد النهار الكحل اللي دوزوه على اسرائيل وشعبها"، "
وفاجتماع لمجلس الوزراء نهار السبت، قال سموتريش: " خصنا نكونو قاصحين معاهم ..."، " هادشي ممقبولش،" خصنا ناخدو بعين الاعتبار مسألة الأسرى أولا، ونبداو المفاوضات بشأن تبادل الأسرى. وفنفس الوقت" غنبداو الحرب ضد العدو، ولكن فحدود قوانين الحرب.