ياكما فرنسا خصها تمشي تقدا دوا البق من گيسر؟. "ولد كرار" أشهر بياع ديال دوا الحشرات ل"گود": عندنا برودوي كيقتل گاع الحشرات والناس كيشكروه

مع تداعيات انتشار الحشرات ف هاد الموجة ديال الصهد لي كينا قرر طاقم "كود " بدير زيارة لواحد من الأسواق الأسبوعية باقليم سطات ،بحيت مشات "كود " للسوق الأسبوعي ديال كيسر ووقفات على واحد تيبيع دوا ديال الحشرات سميتو بوشعيب ولد كرار لي كيبيع مبيدات الحشرات. وفي هاد الصدد عطى تصريحات ل "كود " وسولناه على هاد الدوا لي تيبيع واش كين إقبال عليه ؟ واش تيداوي شي حشرة إلا دخلت من الخارج ؟
وفي هاد السياق جاوب ولد كرار، وقال ان هاد الدوا لي تيبيع راه مزيان لجميع الحشرات لي فيها الدم بحال الناموس وسراق الزيت والفار والبقّ وزيد وزيد ... وقالك كاع الناس اللي تيديوه شكروه ،حيت فعال وتيقضي على جميع الحشرات وخا تجي من الخارج.
واضاف: الناس تتجيب الحوايج من برا عامرين سراق الزيت بحال التلفازات وتيجو عندي تنعطيهم الدوا وغير تيرشو عليه تيموت .