أيندهوفن الهولندي حماو إسماعيل الصيباري بعقد جديد

ناضو بي إس في أيندهوفن الهولندي يبروطيجيو الموهبة المغربية ديال الفريق إسماعيل الصيباري، باش يبقى معهم لأطول مدة ممكنة ويضمنو ليه حقوقو فحالة انتقل إلى فريق آخر.
ونجحو بي إس في أيندهوفن فالتوصل لاتفاق مع إسماعيل الصيباري، وسناو معه اليوم الثلاثاء. عقد جديد فيه 3 سنين زايدة، وتعاقدو معه حتى لعام 2028، باش يضمنوه يبقى معهم أطول مدة ممكنة، وياخدو مقابل مالي مزيان ملي يبغي يمشي لشي فريق آخر.
وكيتعتبر إسماعيل الصيباري مول 22 عام، من المواهب المغربية اللي كلشي كيشوف أنه عندو مستقبل كبير فالكرة، سوا مع المنتخب المغربي أو فأوروبا، وبعدما ربح كاس أفريقيا لاقل من 23 عام مع المنتخب الأولمبي طلعو الناخب الوطني وليد الركراكي للمنتخب الأول، ومن العناصر اللي معول عليهم فالمستقبل.