العقوبة كتسنا أشرف حكيمي ففرنسا بعدما تألق فالكلاسيكو بين PSG ومارسيليا

صبح الدولي المغربي أشرف حكيمي لاعب باريس سان جيرمان مهدد بالعقوبة، حيث حيح ملي سالا الكلاسيكو الفرنسي أمام أولمبيك مارسيليا البارح الاحد ضمن بطولة فرنسا، وفوت فالفرحة هو وصاحابو لدرجة السبان والمعيار.
وسائل إعلام فرنسية ومن بينها موقع"rtl"، كشفت أن لاعبين فباريس سان جيرمان معرضين لعقوبة من طرف رابطة الدوري الفرنسي، وأولهم المغربي أشرف حكيمي والفرنسيان عثمان ديمبيلي وكولو مواني، بعدما حيحو ملي سالا الكلاسيكو مع أولمبيك مارسيليا.
وحسب نفس المصدر، فالثلاثي ديال باريس سان جيرمان كان كايد لاعبين الفريق وباركو كيغنيو مع جمهور PSG، شي أغنية كيكلاشيو بها أولمبيك مارسيليا، وهي أغنية شابعة معيار وسبان فمارسيليا والجمهور ديالها، ونعتوهم ب"ولاد العاهرات".
للإشارة، فالنجم المغربي أشرف حكيمي تألق بشكل كبير البارح الاحد فكلاسيكو فرنسا بين باريس سان جيرمان وأولمبيك مارسيليا، وهو اللي ماركا الهدف الأول لPSG، من كوفرة واعرة فالدقيقة 8، والمانش ربحوه بنتيجة 4 لزيرو.