كان باغي يتزوج بالعروسة ومابغاتش.. شاب هجم على عريس فقاعة الحفلات – فيديو

فولاية ديار بكر، عريس تركي تصاب بجروح خطيرة بعدما هجمو عليه بالسلاح ملي كان كيحتافل بالزواج ديالو وداير العرس وكلشي كان فرحان وكيشطح.
الفيديو صوروه الناس لي كانو معروضين، كان كلشي فرحان ونايض كيشطح فقاعة زفاف فمنطقة غازيلر بكايابينار المركزية، شويا دخل شاب كان باغي يتزوج بالعروسة قبل ومبغاتش و بقا فيه الحال بزاف وجا تيرا فالعريس بالقرطاس.
العريس تصاب إصابة خطيرة وحتا واحد الولد كان حداه كلا دقة، ديك ساعة داوهم الصبيطار باش يعتقوهم، والبوليس جا فالبلاصة بدا التحقيق وشدو داك خينا باش يتعاقب على الفعلة ديالو.
Diyarbakır'da bir şahıs, evlenme isteğini kabul etmeyen ve başkasıyla evlenen bir kadının düğününü bastı ve damada ateş etti. pic.twitter.com/IoSgsZIqPi
— Pusholder (@pusholder) September 6, 2023