الزلزال اللي ضربنا وقتل 820. واش غادي يتعلن الحداد الوطني؟ اكيد ولكن اللي كيعلنو هو سيدنا

الزلزال اللي ضربنا وكان مركز فالحوز هادي ساعات قتل لحد الان 820 مغربي ومغربية. الحصيلة مازالت مؤقتة ومرشحة للارتفاع حقاش كاينين دواور خاصة فالحوز جيهة ثلاث بنيعقوب محاصرين. ما كاينش الطرقان اللي توصل ليهم وهنا كان مركز الزلزال العنيف اللي مائة عام ما ضرب بحالو بلادنا.
دابا قضية اعلان المغرب للحداد الوطني قضية ساعات وصافي. سيدنا هو اللي غادي يعلنها باعتبارو رئيس الدولة وممكن يكون حتى اسبوع بسبب الحصيلة المرتفعة فعدد الموتى والخسائر المادية لكبيرة بزاف. كما سيتم اعلان الحوز والمناطق اللي ضررات مناطق منكوبة خاصها مساعدات خاصة لاعادة البناء من طرق وبيوت ومرافق...