بودريقة داير الكراطة فالرجاء: اللاعب اللي كيدعي الإصابة أو كيهدد بالنزاعات غيمشي بحالو من الفريق

قرر محمد بودريقة رئيس الرجاء الرياضي أن أي لاعب بدا كيستعمل شي وسائل ضغط على النادي باش ياخذ المستحقات ديالو، ما غيبقاش مع الفريق.
وتحدث بودريقة مع باج فيسبوك dimadimaraja وعطى مثال بجمال حركاس ومروان فخر، واعتبر أن الطرق اللي دارو اللاعبين باش يضغطو على الفريق، سوا بانذار النادي أو ادعاء الإصابة ما مسلكاش بالنسبة للرجاء وأن أي لاعب غيدير بحالهم ما عندو ما يدير به فالفريق.
واعتبر محمد بودريقة أن اللاعبين اللي كيديرو بحال هاد التصرفات كيخلقو مشكل وسط المجموعة وكيأثرو على لاعبين آخرين، وأكد أن المدرب جوزيف زينباو تشكى بزاف منهم ملي كانوا مشاركين فالبطولة العربية بالسعودية.