لاعبين البارصا مرضو فميريكان والماتش ضد يوفنتوس ما بقاش غيتلعب

كيعانيو لاعبين د البارصا، من إلتهاب فالجهاز الهضمي، وهذا الشي اللي تقرر بسبابو إلغاء ماتش أميكال للفريق الإسباني ضد يوفنتوس الإيطالي فالميريكان.
وكشفت ادارة البارصا، فبلاغ لها أن الماتش اللي كان مقرر يتلعب ضد يوفنتوس اليوم السبت مع 7 ونصف د لعشية بتوقيت ميريكان فكاليفوريا، ضمن جولة أبطال كرة القدم، تقرر الإلغاء ديالو.
ووضحت إدارة البارصا أن سبب إلغاء الماتش هو تعرض لاعبين الفريق لإلتهاب فالمعدة والمصارن، مع العلم أن البارصا معهم دابا فمريكان 2 لاعبين مغاربة هما عبد الصمد الزلزولي ولامين يامال.