واش هادي حشرة كتهدد شجرة ارگان؟ بالتصاور شوفو كيفاش لوراق ولاو صوفر و"كود" سولات المعنيين وخبير ل"كود": يمكن حشرة ولكن ماشي خطيرة والجفاف والتهلية كيلعبو دور

واش كاينة شي حشرة كتهدد شجرة ارگان؟ علاش هاد السؤال؟ هو شهادات نقلها ل"كود" سكان دوار ادورجال بجماعة سيدي بوعبدلي بقيادة بونعمان باقليم تيزنيت. السكان لاحظو اوراق بعض اشجار ارگان ولات صفرة. هنا كيعتاقدو باللي شي حشرة وتقدر تهدد هاد الشجرة ومعاها منطقة كبيرة.
ناس الدوار نقلو لخبار ولكن ما تسوق ليهم حد.
"كود" سولات "لونسا" =المكتب الوطني للسلامة الصحية للمنتجات الغذائية= فجهة سوس ماسة على الموضوع٬ وقالت باللي ما يمكنش يعرفو بلا معاينة. حسب مصدر ل"كود" فلجنة مختلطة غادية تمشي للدوار ودير ابحاثها.
خبير توقع فتصريح ل"كود" باللي هاد الصفورة تقدر تكون حشرة بالفعل غير هو قلل من خطورتو "ما كيشكلش خطر على الشجرة". اسباب هاد الصفورية وفق الخبير ل"كود" تقدر تكون التهلية٬ اي ان هاد الاشجار ناقصة تهلية واهتمام٬ بالاضافة الى الجفاف مع عوامل اخرى.
"كود" رسلات سؤال فالموضوع لابراهيم حافيظي المدير العام لتنمية الواحات وشجرة اركان "اندزوا". ما كانش جواب من غير اتصال شي مسؤول عندو بقى يدخل ويخرج فالهدرة وصافي. هادا موضوع ديالهم هما اللي خاصهم يتوفرو على المعلومة وبدقة. راها الجهة المعنية.
دابا السكان تالفين. نتسناو هاد اللجنة المختطلة غدا ونشوفو اش غادي