بيع تذاكر ديربي كاس العرش بين الوداد والرجاء بدا والناصيري حافظ على استقرار ثمنها

تحطو تذاكر ماتش ديربي دومي فينال كاس بين الوداد والرجاء الرياضيين، رسميا للبيع غير دابا.
وحافظ سعيد الناصيري رئيس الوداد الرياضي على استقرار أثمنة تذاكر الديري بين الواك والرجاء الرياضي، وخلاها ابتداء من 30 درهم، و120 درهم، و700 درهم، وهذا الشي عكس اخر ديربي اللي كان فالبطولة الاحترافية وكان زاد فيه الرئيس السابق للرجاء عزيز البدراوي فالاثمنة الشي قرر بسببو جمهور الوداد يقاطع الماتش.
ومن المنتظر يكون إقبال كبير على شراء تذاكر ماتش دومي فينال كاس العرش بين الوداد والرجاء اللي غيلعب الأحد الجاي فدونور بكازا، مع العلم أن مداخيل الماتش غيقسموها الفريقان على النصف واخا الوداد هم اللي مكلفين باصدار التذاكر.