عملية بيع تذاكر ماتش الوداد وسيمبا التنزاني بدات وكالعادة الناصيري محافظ على استقرار الثمن

انطلقت غير دابا عملية بيع تذاكر ماتش الوداد الرياضي وسيمبا التنزاني في إياب ربع نهائي عصبة أبطال إفريقيا، واللي غيتلعب الجمعة الجاي بستاد دونور.
وتحطو تيكي ديال ماتش الوداد الرياضي وسيمبا التنزاني على المنصة الإلكترونية المخصصة لبيع التذاكر، وتم الحفاظ على استقرار أثمنتها كيف هي عادات رئيس الواك سعيد الناصيري اللي أكد في أكثر من مناسبة أنه ما كيفكرش يزيد على جمهور كيبغي فريقو.
أثمنة تذاكر ماتش الوداد الرياضي وسيمبا التنزاني تحددت في 30 درهم لزون 4 و5 و7، و120 درهم لزون 2 و3 و700 درهم لزون 1، وكتغيب زون 6 حيث مسدودة بسبب الإصلاحات حيث فيها مشكل.
عملية بيع وسحب تذاكر ماتش الوداد الرياضي وسيمبا التنزاني غتبقى مستمرة حتى يوم الخميس المقبل مع 6 ديال العشية، ويوم الجمعة اللي غيتلعب فيه الماتش ما كاين لا بيع لا سحب تذاكر.