غيابات مهمة عند أولمبيك آسفي فالماتش ضد الوداد

كتعرف صفوف أولمبيك آسفي غياب لاعبين مهمين بالنسبة للفريق فالماتش اللي غيلعب ضد الوداد الرياضي، اليوم السبت بملعب المركب الرياضي محمد الخامس بالدار البيضاء.
وغايب على أولمبيك آسفي فالماتش ضد الوداد الرياضي كل من الكابوني أكسيل مايي والمالي عبدلاي ديارا حيث موعتين، وهذا الشي غيفرض على المدرب طارق مصطفى يبحث على حلول بالإضافة إلى غياب وليد غيلوف اللي كان تطرد فالماتش اللي فات ضد الفتح الرياضي.
وغيبدا الماتش بين الوداد الرياضي والضيف ديالو أولمبيك آسفي اليوم السبت مع 8 الليل بستاد دونور، ومن المنتظر تعرف المباراة حضور كبير ديال الجماهير الودادية، بالإضافة إلى جماهير أولمبيك آسفي اللي مازال كتشري تذاكر الماتش بمدينتها هذا الصباح.