ها جديد الأهلي قبل ما يسافر للمغرب باش يلعب الفينال ضد الوداد

كتعرف الأجواء داخل الأهلي المصري مستجدات قبل سفر الفريق إلى المغرب باش يلعب روتور فينال عصبة أبطال إفريقيا ضد الوداد الرياضي، فالماتش اللي غيجمع بين الفريقين الأحد الجاي بملعب مركب محمد الخامس بالدار البيضاء.
ومن بين المستجدات داخل الأهلي المصري، عودة لكول محمد الشناوي إلى صفوف الفريق بعدما غاب على ماتش ذهاب الفينال ضد الوداد بالقاهرة، حيث كان مازال ما واجدش، بالإضافة إلى عودة اللاعب رامي ربيعة اللي حتى هو كان غايب بسبب إصابة فالكتف.
وبالمقابل بعد مدرب الأهلي المصري مارسيل كولر، 3 ديال اللاعبين من المشاركة فماتش روتور الفينال بكازا بعدما كانوا فماتش الذهاب بالقاهرة وهم أيمن أشرف، برونو سافيو وشادي حسين.