وزيرة النقل الاسرائيلية: جيت للمغرب أول مرة وحسيت براسي كنتمي لهاد البلاد لي تزاد فيها جدي وبا..وكنشكر الملك لي دار كولشي باش يحافظ على تراثنا اليهودي

صرحات وزيرة النقل الاسرائيلية ميري ريغيف لموقع"i24NEWS" ان الزيارة ديالها لاولى للمغرب كانت زيارة رسمية عملية وشخصية فنفس الوقت.
وأضافت انها حسات فحال الى راها فدارها وأنها كتنتمي للمغرب لأن جدها من اليهود المغاربة تزاد فكازا وباها تزاد فالعرائش.
وقالت انها شخصيا زارت المقابر اليهودية فالمغرب، وأشادت فالتصريح للموقع على الجهود اللي كيبدلها الملك محمد السادس والفلوس اللي كتستثمر للحفاظ على المقابر والمأثر والهوية اليهودية فالمغرب.
وقالت ان إسرائيل كتحترم وكتقدر هاد الجهود المبذولة وكاين المجتمع المغربي اليهودي فإسرائيل اللي كيسهر على العلاقات المغربية الاسرائيلية.