الكبير: غنتقاتلو ضد الأهلي باش نتأهلو ونفرحو جماهير الرجاء

عبر منذر الكبير مدرب الرجاء الرياضي على التفاؤل بخصوص ماتش إياب ربع نهائي عصبة أبطال إفريقيا ضد الأهلي المصري غدا السبت، وأكد أن الأمل مازال كاين لتأهل الفريق إلى دومي فينال رغم خسارة الذهاب بنتيجة 2 لزيرو.
وتحدث منذر الكبير مدرب الرجاء الرياضي خلال الندوة الصحافية اللي كتسبق ماتش الخضرا والأهلي وقال: "وجدنا مزيان لهاد الماتش والمهمة ماشي مستحيلة، الأهلي راه فايت تماركاو عليه أهداف فليماتش ديالو خارج تيرانو، وحنا قادرين نحققو الهدف ديالنا وخاصنا نركزو على التأهل".
وكمل منذر الكبير وقال: "القوة الكبيرة ديالنا هي جمهورنا وعارفينهم مساندينا وباغيين نفرحوهم غدا وغنعطيو مجهودنا كامل ونتقاتلو، ومؤمنين بحظوظنا في التأهل".