8 مارس والصبانة

8مارس والصبانة
أنا ولد الصبانة
يتيم، مات با وخلانا
وامي مسكينة عيانة
من دار لدارديما ديعانة
مات با وخلانا
فبراكة عريانة
ما ليها باب يحمينا
ولا شرجم ينورنا
وامي مسكينة عيانة
بكفوف ايديها الطاهرة
تصبن وساخ ناس وناس
واش من ناس
من دار لدار واخا حنا بلا دار
مرة ديور راقية
مرة طبقات وطبقات
وهي هايمة تعيا مع تخمال شلا بيوت
ووساخ شلا رهوط
8 مارس جات ولات
اليوم غاديا فاتت 100 سنة هادي
وهي امي في حالها دايما
طولات عيشتها في المرارة
أنا نشوف عيشتها تطوف
حتى لاين تطول بنا هاد العيشة
جاز زمان وخصو يجي
نردو للصبانة وامثالها الكرامة
8 مارس
8 مارس
وا 8 مارس
الصبانة ما لها؟؟؟؟؟...........
عندنا وزارة بحال الوزارات في السمية غريبة
وزيرة التنمية الاجتماعية والأسرة والتضامن
ما شي وزارة ولكن واش فيها الصبانة
]