دخل شقيق الفتاة المسماة "حنان زعبول" على الخط في قضيتها الشهيرة مع الشيخ "محمد الفيزازي" ، حيث اتهمته بالزواج بها من دون عقد . و قال "مهدي زعبول" في تدوينة فايسبوكية أرفقها بصورة مع شقيقته حنان " السلام عليكم اخوتي اعتذر عن الغياب بسبب العمل و الظروف غدا ان شاء الله اتكلم عن اختي حنان وراجلها ماكنتش باغي نتكلم عن هاذ الموضوع و الله و حاولت باش ندخل بالخيط البيظ بينهما و لكن الشيخ تمادى كثيرا الله يسمح ليه". و اضاف شقيق "حنان" ، وهو رياضي كبير و بطل المغرب في رياضة كمال الأجسام "حنان اختي اختك ابنتك و ممكن يوقع هاد الشي لي وقع ليها لأي بنت مغربية ختي ختك بنتي او بنتك السيدة هاذي اللي في الصورة الا قلت ليكم فقط شوية من اللي داز عليها و الله حتا تبكو من زواج في سن مبكّر و سحر و توكال و طلاق و انا عبدو ربه اللي تكفلت بيها و ربي شاهذ علي مباشرة من بعد بطولة المغرب قطعت كلشي تمرين اكل كل شيئ باش ندور بيها عند الفقهاء و الرقاة حتى ولات شوية الحمد لله لكن تسبب ليها في الطلاق و هذا هو نقطة التحول عندها". و تابع ذات بالقول " اصبحت تفكر في الانتحار و رجع ليها هداك السحر رمضان كله بذون اكل و لا نوم دائما معها و قسم انني ابكي عليها كل مرة ملي يشدها الجن و يبدا يتكلم بصوتها و الحمد لله بقينا حتى رجعات تاني شوية رجع انا لكازا للعمل و التمرين صيفطات لي ميساجات قالت لي باللي شي شيخ ما شيخ طلب منها الزواج قلت ليها ما عندك ما ديري بيه ما يصبحش ليك انتي مزال مريضة ارتاحي وانا نصرف عليك مشيت للجزائر نشارك في بطولة البحر الابيض و افريقيا حتا قالي خويا راه السيد جا يتكامل معها قلت صافي الله يسر". و في الختام، تسائل شقيق "حنان" قائلا "بغيت نسول الشيخ او الفم الذي ينطق بالعاهرة واش هاد السيدة جبتيها من بار جبتيها كاباري باش تقول عليها هاد الكلام يا القدوة ديالنا يا شيخنا". و يتوفر شقيق " حنان " على صفحة بالفايسبوك ، ينشر فيها صوره بعضلات مفتولة مع ميداليات و كؤوس توج بها في مسابقات مختلفة داخل و خارج أرض الوطن.
