السي ابراهيم...مالقاش فين يدير قنبول عيشورا

السي ابراهيم، اللي كيسمي راسو غالي، وهو عند المغاربة والجزايريين لقبو الأصلي هو الرخيص، مالقاش فين يدير الاحتفالية ديال تأسيس الكيان الوهمي اللي سميتو البوليساريو. فالأول كان باغي يديرو فالعيون المغربية. لقا المدينة كتستعد لاحتضان كأس إفريقيا ديال الأمم. عاوتاني بغا يديرو فالداخلة المغربية. لقا المدينة كتستعد لاحتضان كرانس مونتانا. قال شنو ندير ماندير نديرو فالكركرات حدا الحدود مع خوتنا الموريتان، لقا المغرب كيوجد تماك شلة مشاريع، آش من جامع، آش من أوتوروت، أش من محلات تجارية، أش من مشاريع ديال البنية التحتية...
فالأخير السي ابراهيم ومن معه دارو الحفلة ديالهم فالجزائر.
أصلا شكون غادي يقبل على هبال السي ابراهيم ومن معه من غير هبال السي تبون ومن معه؟
بعض خاوتنا الجزايريين غضبو لأن المطار ديال تندوف الجزايرية تضمن مشاهد استقبال بالزي العكسري ديال قيادات المرتزقة، وهادي اعتبروها الجزايريين مساس ببلادهم ورمزيتها.
حنا معاكم فهاد ولكن من فوقاش كانوا الجنرالات كيعيرو الانتباه لرمزية الجزائر ولمكانتها؟؟؟؟