ربح المنتخب الوطني المغربي منتخب أونگولا فماتش أميكال اليوم الجمعة فتيران أكادير، ضمن تواريخ الفيفا استعدادا للاستحقاقات المقبلة، وهو أول ظهور للأسود بعد كوب دافريك. وسالا الماتش بين المنتخب المغرب ومنتخب أونگولا بنتيجة 1 لزيزو، وكان فهاد الماتش أول ظهور لدياز نجم ريال مدريد مع ليكيب ناسيونال بالإضافة إلى إلياس بنصغير لاعب موناكو، اللي قدمو ماتش مزيان وقدرو دغيا ينساجمو مع الگروب. الماتش بقى زيرو لزير ملي بدا حتى للشوط الثاني، واللي فيه دخل الناخب الوطني وليد الركراكي نجم العين الإماراتي سفيان رحيمي وقدر الأخير بالتحركات ديالو يستغل تمريرة من الظهير الأيسر يحيى عطية الله، وماركا هدف الرباح للأسود فالدقيقة 75، مع العلم ان التحركات ديالو كانت خطيرة على الانگوليين وكانو كيطيحوه باش يوقفوه.
