نوه الناخب الوطني وليد الركراكي بالنيفو ديال المهاجم أيوب الكعبي فالماتش د ليكيب ناسيونال ضد ليبيريا ضمن إقصائيات كوب دافريك، ودافع على يوسف النصيري. وتحدث وليد الركراكي بعد رباح المغرب على ليبيريا بنتيجة 3 لزيرو وقال: "أيوب الكعبي مفاهم مع يوسف النصيري، كاين تنافس وهذا الوقت اللي مزيان فين نجربو كاع الخيارات، حيث من بعد غيكون عندنا ماتشات رسميين". ودافع الركراكي على يوسف النصيري وقال: "النصيري كيماركي مع إشبيلية غير مع المنتخب مؤخرا اللي ما كيماركيش، ولكن يكون بحال قبل المونديال، ويقدر يماركي لينا فكوب دافريك وهذا الشي اللي بغينا". وبالنسبة للكعبي اللي ماركا هدف على ليبيريا، قال عليه الركراكي: "الكعبي قدر يرجع كانت عندو مشاكل فالفريق ديالو، ولكن كيبغي بلادو بزاف، واخا ما كان فالمونديال عيط ليا وقالي أنه معيا وكيحترم القرارت ديالي، وهذا الشي اللي بغينا فالمنتخب، يكون الاحترام".
