قصيدة زجل تحت عنوان: هم الدنيا هموم

سِيري يَا لِيامْ سِيري
ما كين ربَاحْ وَرِيتيني
نْهَارْ لي حَليتْ عَيْنِي
حَزْمُوهَلِي بحزَام اكْحل.
قَلْبي غْرَقْ هْمُومْ
و دْموعي عَمْرتْ الوِيدْيَان
و سْقِيتْ بِها لْجْنَانْ
مَاكِينْ لا سِلْمْ و لا أمَان
غِيرْ الظُلْمْ و النِسْيَانْ.
شْكِيتْ عْلِيكْ يَا لْحَجْرَةْ
وْ ما سْمَعْتِينِي
شْكِيتْ عْلِيكْ يَا الشَجْرَةْ
وْ مَا نَادِيتينِي
بْكِيتْ عْلِيكْ يا لْبْحَرْ
وْمَا شَافِيتينِي
لْمَنْ ياربي نْشْكِي هَمِي
ما بْقى لِيا لا حْبيبْ ولا شْقيقْ.
حِيثْ ما بِينْ الشْدة و الضيقْ
كَايْبَانْ لعْدو من الصْدِيقْ