حقيقة تقديم عزيز البدراوي الاستقالة من الرجاء

نايضة داخل الرجاء الرياضي اليوم الأربعاء فالعشية، حيث رئيس النادي عزيز البدراوي وللا باغي يمشي بحالو ويخلي الفريق، فالوقت اللي كان كيأكد أنه "بوت نبث" فالفريق حتى تسالي لعهدة ديالو كرئيس وهي 4 سنوات.
وحسب مصدر رجاوي، فرئيس الرجاء عزيز البدراوي كشف لشي مقربين منو أنه باغي يقدم الاستقالة من منصب الرئاسة بسبب الضغوطات اللي عليه، فنفس الوقت كاينين شي وحدين لداخل فالنادي وفعاليات رجاوية كيحاولو يقنعوه بأنه يبقى رئيس وما يحطش الاستقالة.
وإلى حدود الآن عزيز البدراوي مازال رئيسا للرجاء ولم يضع استقالته من منصبه بالنادي، مع العلم أن هادشي كيجي من بعد أيام قليلة فقط على إعلان البدراوي الاستقالة من منصبه نائب العصبة الاحترافية لكرة القدم الوطنية.