نايضا على ONEP بسباب زيادة غرامة 60 درهم على الأسر فالعروبيات..الوزير بركة: هاد المشكل غايتحل مع الشركات الجهوية و10 فالمائة فالعالم القروي فقط فيه التطهير السائل

انتقد فريق الأصالة والمعاصرة بمجلس النواب، مجددا، طريقة تدبير المكتب الوطني للماء والكهرباء للماء بالعالم القروي.
وقال احد نواب البام اليوم في الجلسة :"ONEP زادت 60 درهم غرامة فالعالم القروي.. للي مخلصش نهار 30 خصو نهار 1 يخلص الغرامة".
وأضاف :"ميمكنش هاد المؤسسة العمومية، تمشي بهاد الطريقة تزيد عليهم فهاد غلاء الاسعار. العقدة لي كتربط المواطن مع لونيب مافيهاش هادشي".
نزار بركة وزير التجهيز والماء، رد بالقول :"بغيت نأكد ان الوزارة خدامة باش تحط اطار قانون فهاد الاطار، والحكومة صادقت على مشروع مهم يتعلق بالشركات الجهوية متعددة الاختصاصات للي غادي تلعب دور كبير فهادشي ويكون توزيع الماء والضوء بشكل تضامني بين المدن والجهات".
وشدد الوزير بلي 10 في المائة في العالم القروي فقط لي فيها التطهير السائل.