تيكي ماتش الوداد والهلال السعودي فكأس العالم للأندية تسالاو

عرفت تذاكر ماتش ربع نهائي كأس العالم للأندية ما بين الوداد الرياضي والهلال السعودي، إقبال كبير عليها من عند الجماهير والكثير منها ما غاديش تكون عندو فرصة متابعة الماتش فالتيران.
وبعدما مرت غير ساعات قليلة على إطلاق الإتحاد الدولي لكرة القدم الفيفا تذاكر ماتشات كأس العالم للأندية بالمغرب، سالاو تذاكر ربع النهائي ما بين الوداد الرياضي والهلال السعودي.
وكانت الفيفا حدد أثمنة ماتش ربع نهائي البطولة اللي غادي يلعب فيه الوداد ضد الهلال السعودي فمبلغ 50 درهم و 70 درهم و 100 درهم، وأثمنة تذاكر نصف النهائي فمبلغ 100 درهم، و150 درهم، و 200 درهم، أما الفينال الأثمنة ديالو 200 درهم، و 300 درهم، و 400 درهم.