أب أمين حارث: ولدي ماغاديش للمونديال كنطلب المغاربة يدعيو معه راه حالتو صعيبة

كشف الأب ديال الدولي المغربي أمين حارث بلي الابن ديالو نجم أولمبيك مارسيليا الفرنسي غادي يغيب على كأس العالم فقط 2022، بسبب الإصابة اللي تعرض لها البارح الأحد فماتش فرقتو ضد موناكو فبطولة فرنسا.
الأب ديال أمين حارث وفتصريح له أكد بلي ولود تضرب فليكامو ديال الركبة وبلي غادي يديرو ليه عملية جراحية ففرنسا، وماغاديش يشارك فكأس العالم مع المنتخب الوطني المغربي فقطر 2022.
وبالنسبة للحالة النفسية ديال أمين حارث قال باه بلي ولدو كيعيش حالة نفسية صعيبة بزاف بسبب هادشي اللي وقع ليه، من بعدما كان موجد راسو يسافر لقطر باش يوصل على المنتخب الوطني المغربي ويشارك فالمونديال، وطلب الأب من المغاربة يدعيو معه.