ميساج خاص من الوداد للجمهور ديالو

دعا الوداد الرياضي الجمهور ديالو للتصويت عليه باش يربح جائزة "كلوب سوكر" العالمية اللي كينضمها مجلس دبي الرياضي فالامارات، واللي كيتنفس عليها الفريق الأحمر مع فراقي عالمية.
الوداد بطل المغرب إفريقيا رسل ميساج للجماهير الودادية، وقالهم يدخلو يصوتو على الحمرا باش تربح أحسن فريق فالعالم فجوائز "كلوب سوكر" لسنة 2022.
وكيتواجد الوداد فلائحة المرشحين للتتويج بجائزة "كلوب سوكر" إلى جانب 19 فريق عالمي آخر بحيث غادي يتنافس على الجائزة مع كل من أياكس أمستردام الهولندي، والهلال السعودي، أتليتيكو بارانينس البرازيلي، وبايرن ميونيخ الألماني، وبوكا جونيورز الأرجنتيني.
وضمت اللائحة أيضا كاين إينتراخت الألماني، وفينورد الهولندي، فلامينجو البرازيلي، وليفربول ومان سيتي ننكليزيين، وميلان الطلياني، وبالميراس البرازيلي، وباريس سان جيرمان الفرنسي، وبورتو البرتغالي، ورينجرز الاسكتلندي، وريال مدريد الصبليوني ، ريفر بلايت الأرجنتيني، وروما الطلياني، وفياريال الصبليوني.
https://www.facebook.com/358052964256744/posts/pfbid02wyXysHNFTU8Wcc2nT3xqkjU644bxzKzPp6HX7xbgjjUzgcqk1P7NeLuWXK3trDUrl/