الصحافة الميريكانية: ترامب بيعو بيه مقربين منو ل"FBI"

نشر جورنال "The Independent" البريطاني تقرير صادم قال فيه أن تقارير كتقول أن جاريد كوشنر وميلانيا ترامب، هوما اللي بيعو بالرايس السابق عند مكتب التحقيقات الفيدرالي (FBI).
الصحافة الميريكانية كتقول أن أشخاص قراب من دونالد ترامب هوما اللي بيعو بيه وقالو ل"FBI" أن الوثائق اللي كيقلبو عليها كاينة فالقصر ديالو ففلوريدا، وهادشي اللي خلا البوليس يدخلو ليه على الدار.
بعض البوليس السابقين والمشهورين فميريكان كيكتبو فموقع "تويتر"، وكيقولو بأن بنت ترامب ميلانيا وراجلها هوما اللي مشكوك فيهم رجعو للور، وبعدو من ترامب بعد الهزيمة ديال الانتخابات اللي فاتت قدام جو بايدن.