حرب الكر والفر وسط العاصمة بين الطاكسيات الصغار وصحاب ابليكاسيون كاريم وايندرايفر

لبارح بالليل وقعات لعبة الكر والفر بين صحاب الطاكسيات الصغار وصحاب ليزابليكاسيون ديال الترونسبور، بحيث اتفق عدد من سائقي سيارات الأجرة الصغيرة على مطاردة صحاب ليزابليكاسيون.
وحسب مع عاينته "گود" يوم أمس، فإن بعض سائقي الطاكسي الصغير دارو شرع يديهم ومنعو واحد من مستعملي تطبيق ايندرايفر، وطرده من حي اكدال، باش ميهزش الكليان.
سائق طاكسي عيط لسطافيت البوليس كانت دايزا من داك الحي باش تدخل ورفضت تدخل.
وأفادت مصادر "گود" أن هاد الحرب شعلات مؤخرا بين صحاب الطاكسيات الصغار لي ولاو يديرو شرع يديهم باسم النقابة ويمنعو هاد ليزابليكاسيون فالعاصمة خصوصا مع الإقبال لي كان عليهم.
ناس مبقاتش كتستعمل طاكسي بالليل وكتجيها ابليكاسيون رخيصة، هادشي كعا صحاب الطاكسيات الصغار.
شي وحدين ف السائقين كيديرو شرع يديهم ويمنعو المواطنين لي كيستعملو هاد ليزابليكاسيون، وفق ما عاينته "گود".