ضربات كلشي فالزيرو.. مسؤولة إسبانية قالت بللي ماكاينش اتفاق بين المغرب والصبليون كيحدد موعد فتح الحدود ديال مليلية وسبتة

قالت مفوضة الحكومة الصبليونية فسبتة المحتلة، بللي ماكاينش إتفاق بين المغرب وإسبانيا كيحدد موعد فتح الحدود البرية ديال مليلية وسبتة المحتلتين، وبلي الأخبار لي كتتروج على هاد الموضوع حول فاتح ماي كموعد لاستئناف الحركة فالمعابر الحدودية أمر غير واقعي.
وأكدات نفس المسؤولة الحكومية بللي كاين مجموعة ديال الضواصا بين المغرب وإسبانيا مازال ما تفكات، بلا ما تحدد نوعية هاد الملفات.
ونفات المسؤولة بشكل صريح، بليي الحدود غادي تفتح ففاتح ماي، حسب ما وصفاتو هي بشائعات كتقول بللي الحركة غادي ترجع للمعابر البرية الشهر الجاي، ودعات للاحتياط من بحال هاد الأخبار اللي وصفاتها بشائعات مغلوطة.