وزير خارجية اسبانيا غادي يزور مراكش الشهر الجاي لحضور اجتماع التحالف الدولي ضد داعش

albayancom0@gmail.com
أكدت مصادر دبلوماسية لجريدة "إل اسبانيول"، أن وزير الخارجية، خوسيه مانويل ألباريس، غادي يزور مراكش الشهر الجاي لحضور اجتماع التحالف الدولي ضد داعش. نفس الاجتماع غادي يحضرو وزير الخارجية الأمريكي أنطوني بلينكن، إضافة إلى رؤساء ودبلوماسيين وممثلين من 80 دولة ومنظمة.
وأضافت الجريدة الإيبيرية، أن الوزير الاسباني غادي يحضر غير الاجتماعات ديال التحالف، ومن غير المتوقع باش يجري لقاء او اجتماع ثنائي مع الوزير ناصر بوريطة. هاذي غادي تكون المرة الثانية اللي غادي يزور فيها ألباريس المغرب في ظرف شهر ونص. الزيارة الأولى تمت بتاريخ 7 أبريل الحالي، وكان ضمن الوفد الرسمي اللي ترأسو بيدور سانشيث خلال زيارته إلى الرباط.