خلية اليقظة اللي مكلفة بعملية إنقاذ الطفل ريان: كاين أمل كبير نعتقوه وريان دبا ماكياكلش ولكن الأوكسيجين كيوصلو فكل دقيقة وثانية

عبد الهادي التمراني، عضو في خلية اليقظة المكلفة بعملية إنقاذ الطفل "ريان"، قال فتصريحات صحافية زوال اليوم الجمعة باللي كاين أمل باش يتم إنقاذ ريان وكاين أمل كبير فالحياة.
المسؤول المذكور أضاف باللي المدة الزمنية لإنقاذ الطفل "ريان" حتى شي حد مايقدر يعرفها أو يتحكم فيها، مؤكدا بالقول: "العملية جد صعبة ومعقدة حقاش كاين خطر الردم وانجراف التربة".
وأوضح التمراني قائلاً: "راه الحفرة دايرة بحال واحد التل إيلا ماخديتيش الاحتياطات مشا كولشي لكن الأمور تسير بشكل جيد وكاين تقنيين هوما اللي متبعين هادشي، والآليات لا تتوقف على مدار الساعة".
وفي رده على واش الطفل "ريان" كياكل. أوضح المسؤول بالقول: "ريان لا يأكل لكن يتم تزويده بالأوكسيجين على مدار الدقيقة وكل ثانية".