قرعة الدور الحاسم المؤهلة للمونديال غادي دار اليوم.. وها المنتخبات اللي يقدر يلعب ضدهم المغرب

اليوم السبت 22 يناير، مع الربعة دالعشية، غادي دار قرعة الدور الثالث النهائي من التصفيات الإفريقية المؤهلة لمونديال قطر 2022 وهادشي على هامش كأس الأمم الإفريقية المقامة دابا فالكاميرون.
وتأهلو للدور الثالث الحاسم 10 منتخبات هي السنغال، المغرب، تونس، الجزائر، نيجيريا، مصر، الكاميرون، غانا، مالي والكونگو.
وتم توزيع المنتخبات لجوج ديال المستويات حسب تصنيف"فيفا" لنوفمبر 2021، وغادي المنتخبات الأعلى تصنيفا، اللي هي السنغال والمغرب وتونس والجزائر ونيجيريا، ضد المنتخبات الأقل تصنيفا.
وغاتلعب فمارس الجاي ماتشات الذهاب فبلاد الفرق اللي عندها التصنيف الأدنى وماتشات الاياب فتيرانات المنتخبات الاحسن تصنيفا.
ويقدر يواجه المنتخب المغربي، واحد من هاد المنتخبات: الكونگو، مالي، غانا، مصر، الكاميرون.