ضربات قاصحة لايطو قبل انطلاق الكان. كتسالو الخزانة الصبيلونية مليون اورو وقبل طلب المدعي العام ليه 10 سنين حبس ويخلص 3.9 مليون اورو

كشفت سلطات الضرائب الصبليونية البارح الاثنين لائحة سمتها قائمة المدنيين اللي كتسالهم فلوس صحيحة. فهاد الشي كانت ضربة قوية لرئيس الاتحاد الكاميروني الجديد، والرجل الأول لبطولة أمم إفريقيا، صامويل إيطو. التوقيت كان خايب بزاف ليه. ضربة ايام قبل انطلاق كأس افريقيا للامم اللي غادية دار فبلادو.
حسب ما نشرته الضرائب الصبليونية فايطو كيتسالو تقريبا مليون اورو ما خلصاهش للخزينة باش كان كيلعب فبرشلونة خلال 6 سنين دوزها فالنادي الكاطالاني =ما بين 2004 و2009
الشهر اللي فات٬ المدعي العام كان قاصح بزاف. طلب الحبس لايطو ل10 سنين ويخلص 18 مليون غرامة وقال باللي تهرب عن دفع 3.9 مليون اورو كضرائب ناتجة على بيع حقوق صورو باش كان فالبارصا.
هاد الفضيحة خايبة كيف قلنا. جات فوقت خايب. بقات جوج سيمانات وتبدا بطولة كأس أمم أفريقيا في بلاده الكاميرون، وهو الرئيس الجديد للاتحاد الكاميروني، والناطق الرسمي باسم البطولة.
قبل هاد الشي كانت مشاكل عندها علاقة ببداية هاد الكان. كاينة الحرب الاهلية ومشاكل اوميكرون واحتجاجات الاندية الاوربية اللي ما بغاتش تخلي لعابتها يمشيو للكان.