بيان الحكومة ناقص عاود تاني. ما متشددش ولكن نسى الاحتفالات فالديور. علاش ما يديروش بحال دول العالم ويقولو ممنوع الاحتفال فالديور لاكثر من 10 الاشخاص. راه الاحتفالات كاينة كاينة وصحاب الريسطورات اللي غاديين يضيعو

بيان الحكومة بخصوص منع الاحتفالات ديال راس العام ما متشددش ولكن ما واضحش. ما متشددش حقاش دار حظر التنقل الليلي من لطناش ديال ليلة 31 دجنبر 2021 حتى الستة دالصباح فواحد يناير 2022. طبعا ما كانش يمكن يتشدد والوضعية الوبائية عندنا مزيانة لحد الان.
لكن فالمقابل ناقص ما كاملش. هدر هاد البيان الحكومي على منع جميع اشكال الاحتفال فراس السنة. تمنع فلوطيلات فالريسطورات فالمؤسسات والمرافق السياحية لكن نسى فضاء مهم هو البيت. الدار.
فاوربا ديما عندهم اجراءات بحال هادي. كيقولو بوضوح ممنوع الاحتفالات فالديور تفوت 6 اشخاص او اكثر او اقل. كيهدرو على الضيوف. يعني انت وصاحبتك عايشين فالدار وبغيتو تحتافلو ما مسموحش تعرضو على اكثر من 4 الاشخاص الى عندك جوج بيوت. اما صحاب بيت فهاداك يكون مسموح ليه يعرض غير علي واحد او وحدة٬ هاد الشي على سبيل المثال
اللي وقع فالعالم ومنها المغرب انو مع استمرار هاد الاجراءات كثار كيفضلو الديور وولات قصاير كتخلص باش تحضر ليها فالدار. هادي بقات بعيدة على اعين السلطة وبيان الحكومة واضح. ما جبدهاش. يعني اللي بغى يحتافل فدارو مع صحابو راه من حقو. هنا كان تقصير بيان الحكومة. كان يوضح ويهدر على هاد الشي.
كيف شفنا قبل ديما بيانات الحكومة ناقصة وضوح. خاصها بيان اخر يشرحها.